我們的故事

一對90後夫婦，剛剛結婚搬出嚟就撞正疫情，無地方好去，無得出街食飯，更加無咗老媽子呢個大靠山。一開始我哋叫下外賣，又試下lunch食飽啲放夜晚就食light啲，但好快發覺日日食熊貓袋鼠都唔係辦法，腰圍一圈一圈咁加上去，塊面又好似愈來愈黃。


終於！！！係走頭無路嘅情況下，老婆大人開始慢慢踏上揸鑊鏟、行街市嘅搵食之路。幾經辛苦下，曾經十指不佔陽春水嘅老婆終於係廚房略有小成，練出一身好武功。

作為老公，我諗除咗食曬啲嘢之外，最好報答老婆賜予飲食之恩就係幫佢紀錄低佢嘅「成廚之路」。

 

係呢個地方，我哋希望分享我哋煮食嘅一點一滴，絕對係非專業建議，只係我哋嘅經驗分享。一件事由零到一、由無到有，最難嘅一定係踏出第一步開始，希望我哋呢道可以幫到大家，其實煮飯都可以好簡單、方便同輕鬆。

 

如果有任何意見分享，歡迎留言或者電郵俾我哋。